Yaponiyanın “Mac Otakar”a internet resursunun məlumatına görə, artıq bu yaz “Apple” hazırkı altıncı nəsil “iPad mini” ilə eyni əsas xüsusiyyətlərə malik olan yenilənmiş “iPad Air”-i buraxmağı planlaşdırır. Yenilik hazırkı “A15 Bionic” çipsetini,”5G” dəstəyini, “Center Stage” texnologiyasını dəstəkləyən 12 meqapiksellik ön kameranı və s.alacaq.
Çindəki etibarlı mənbələrə istinadən Mac Otakara iddia edir ki, beşinci nəsil “iPad Air” bu yaz yenilənmiş üçüncü nəsil “iPhone SE” ilə birlikdə elan ediləcək. Yeni planşet hazırkı nəsil modeli ilə eyni dizaynda olacaq.Qurğu sələfinin tək əsas kamerasını saxlayacaq, lakin o, yenidən işlənmiş dördrəngli LED fənəri ilə tamamlanacaq. Ön kamera təkmilləşdiriləcək. 12 meqapiksellik modul istifadəçiyə videokonfranslar zamanı həmişə kadrın mərkəzində olmağa imkan verən Center Stage texnologiyasını dəstəkləyəcək. Təbii ki, ən mühüm yeniliklərdən biri də “A15 Bionic” çipset olacaq. Xatırladaq ki, eyni çip hazırkı iPhone 13-də istifadə olunur.
Yeni “iPad Air”-in qalan hissəsi sələfi ilə eyni olacaq.O,dar çərçivələrə malik 10,9 düymlük ekranı, daxili barmaq izi sensoru olan güc düyməsini, USB Type-C portunu və geniş korpus rənglərini saxlayacaq.
“Bloomberg”-dən Mark Qurmanın sözlərinə görə, “Apple”-ın bu il ilk tədbiri mart və ya aprel aylarında olacaq. Məhz onun üzərində yeni “iPad Air”, yeni “iPhone SE” sələfindən yalnız “5G” dəstəyi ilə yenilənmiş aparat platformasında fərqlənəcək və yəqin ki, bəzi digər məhsullar da təqdim olunacaq.
