Ötən ay «WannaCry» adlı virus internet-ictimaiyyət üçün böyük təhlükə yaşatdı. Bu təhlükə bütün dünyada kompüterləri yoluxdurdu və öz təyinatına görə,qurğulara məlumatların şifrələnməsi kimi böyük zərər gətirdi. Kompüter üçün təhlükə sovuşsa da onun mobil analoqu «Android»-də yayılıb.
«Qihoo 360» şirkətinin tədqiqatçıları populyar «360 Total Security» antivirusuyla «Android»-də yeni virus aşkar etdilər. Bu «WannaCry» prinsipi üzrə işləyir — istifadəçi məlumatlarını şifrləyir və açar-aktivator üçün ödəmə tələb edir. «Android»-də yayılan virus hətta blokirovka haqqında xəbərdarlıq edir.
Şifrlənmiş məlumatların blokdan çıxarması üçün ödəmə kimi fırıldaqçı 40 yuan (6 dollar) tələb edir. Hüquq-mühafizə orqanları bütün ödənişləri izləyə bilər.
Xatırladaq ki, hakerlər mayın 12-də dünyanın 74 ölkəsində sistemlərə müdaxilə məqsədilə “WannaCry” virusundan istifadə ediblər.Məlum olub ki, «WannaCry» virusunun yoluxdurduğu kompüterlərin 98 faizi «Windows 7» əməliyyat sisteminin idarəetməsi ilə işləyib.
Qeyd edək ki, buna qədər ekspertlər tərəfindən “WannaCry” proqramını təkrarlayan yeni fırıldaqçı proqramların yaranmasını qeydə allmışdır. Məsələn, “Bleeping Computer” şirkətinin mütəxəssisi Lourens Abramsın məlumatına görə, hazırda “WannaCry” proqramının interfeysini imitasiya edən azı dörd fırıldaqçı proqram təminatı ailəsi mövcuddur.
