Android 14 QPR3 Beta 2-nin sınaq quruluşunun sistem parametrləri bölməsində yeni səhifəsi var. O, iPhone 14 və 15, eləcə də digər bəzi qabaqcıl qurğuların sahiblərinə artıq tanış olan elan edilməmiş funksiyaya həsr olunub. Onun köməyi ilə istifadəçi hətta mobil şəbəkənin əhatə dairəsindən kənarda da əlaqə saxlaya biləcək.
Söhbət peyk rabitəsindən istifadə etməklə mesajların mübadiləsinin mümkünlüyündən gedir. “Android Authority” portalının dərc etdiyi skrinşota əsasən, onlar təkcə təcili xidmətlərə deyil, istənilən istifadəçiyə göndərilə bilər. Əvvəlcə operatorunuzdan müvafiq xidməti aktivləşdirməlisiniz. ƏS-nin beta versiyasında T-Mobile provayderindən bəhs edilir, lakin onun veb saytına müvafiq keçid aktiv deyil.
Yenilənmiş parametrlər menyusu aydınlaşdırır ki, peyk rabitəsi yalnız bəzi regionlarda mövcuddur və istifadəçi hesabı ilə qeydiyyat tələb olunur. Şayiələrə görə, söhbət Starlink şəbəkəsindən gedir – artıq məlumdur ki, SpaceX yuxarıda qeyd olunan T-Mobile ilə əməkdaşlıq edir. Bundan əlavə, Google əvvəllər başqa bir peyk rabitə xidməti təminatçısı olan AST SpaceMobile-a sərmayə qoyub. Hansı smartfonların yeniliyi dəstəkləyəcəyi hələlik məlum deyil.
