Son versiyası bu ilin sonunda buraxılacaq «Android 14» mobil əməliyyat sistemi fiziki SİM kartları eSIM-ə çevirmək imkanına sahib olacaq. Bu yaxınlarda yayımlanan «Android 14 Developer Preview»-də həvəskarlar tərəfindən aşkar edilmiş gizli platforma parametrləri ilə göstərilir.
«Apple» bu istiqamətdə ilk şirkət oldu. Şirkət ABŞ-ın daxili bazarında yeni «iPhone»-larda fiziki SIM yuvasının istifadəsini aradan qaldıraraq, operatorları eSIM-i daha aqressiv şəkildə qəbul etməyə məcbur edib. Belə görünür ki, «Google» da eSIM-ə tədricən keçid üçün hazırlaşır. Bu istiqamətdə aparılan işlərin bir hissəsi olaraq istifadəçilər adi SİM kartı eSIM-ə çevirə biləcəklər.
Məlumatlara görə, «Android 14 Developer Preview»-də gizli “eSIM-ə çevir” seçimi aşkar edilib. Bu seçimi müşayiət edən səhifə tamamlanmamış görünür, bu funksiyanın davamlı inkişafını göstərir. Mənbə qeyd edir ki, Android-in yeni versiyası eSIM-i müxtəlif qurğular arasında ötürə biləcək ki, bu da standart SİM kartlardan istifadədən imtinaya doğru bir addım ola bilər.
«eSIM-ə çevir» seçimi öz-özünə işləmir, belə funksiyanı həyata keçirmək üçün əlavə resurslar tələb olunur. Onlar müxtəlif SİM və şəbəkə ilə bağlı funksiyaları həyata keçirmək üçün Pixel smartfonlarında istifadə edilən əvvəlcədən quraşdırılmış SIM Manager proqramında tapılıb. Çox güman ki, fiziki SİM kartı eSIM-ə çevirmək imkanı bütün SİM kartlar üçün dəstəklənməyəcək. Operatorlar eSIM dəstəyini öz şəbəkələrinə gətirməlidirlər, ona görə də yeni funksiyanın kütlələrə yayılması bir qədər vaxt apara bilər. Cihazlar arasında eSIM köçürməsi də yerli eSIM xüsusiyyətlərinin bir hissəsi deyil, ona görə də bu funksiyanın yalnız Pixel smartfonlarında işləyəcəyi və ya bütün Android cihaz istifadəçiləri üçün əlçatan olacağı məlum deyil.
