«Amazon» şirkəti ev robot-köməkçisinin yaradılması istiqamətində məxfi layihə üzərində işləyir.»Vesta» adlandırılmış layihə haqqında bildirilir ki,»Amazon» tərəfindən cari ilin sonuna kimi ev robotların prototipləri hazır ola bilər.
«ICTinfo.az» «hitech.newsru.ru» resursuna istinadən bildirir ki,»Amazon»-un gələcək robotunun məhz hansı məsələlər yerinə yetirə biləcəyi sirr saxlanılır. «Vesta» layihəsinin bəzi detallarıyla tanış olan insanların sözlərinə görə robotların prototipləri onlara evdə hərəkət etməyə icazə verən kamera və maşın görmə sistemləri ilə təchiz edilib. Həmçinin məlumdur ki, layihə üzərində «Apple»-ın keçmiş əməkdaşı Maks Peyli işləyir.Həmçinin şirkət artıq robot texnikası sahəsində təcrübəli mühəndisləri işə qəbul edir.
«Amazon»-un bu robotu «Amazon Robotics» birləşmiş şirkəti tərəfindən «Amazon» anbarlarının avtomatlaşdırması üçün hazırlanan robotlardan fərqlənəcək.
Qeyd edək ki, müxtəlif şirkətlər vaxtaşırı robot-köməkçiləri təqdim edir. Məsələn, yanvar ayında Amerika şirkəti soyuducudan pivəni gətirmək, minlərlə predmeti tanımaq və evdə onları yerləşdirmək, həmçinin tozsoran və ya süpürmək bacarığına malik olan «Aeolus Robotics» adlı kiçik ev robotunu nümayiş etdirdi.
