Alman Federal Kibertəhlükəsizlik Nəzarəti Təşkilatı (BSI) Çinin «Xiaomi» şirkətinin smartfonlarına baxış keçirəcək.Bu barədə Reuters agentliyi Almaniya Daxili İşlər Nazirliyinin əməkdaşından əldə etdiyi məlumatlara istinadən xəbər verir.»ICTinfo.az» «4Pda.ru» resursuna istinadən bildirir ki,şöbə hansı növ müayinənin aparıldığını açıqlamır, ancaq güman edilir ki, söhbət daxili senzura vasitələrindən gedir.Xatırladaq ki, keçən həftə Litvanın kibertəhlükəsizlik xidməti «Xiaomi» smartfonlarında «azad Tibet», «yaşa Tayvanın müstəqilliyi» və «demokratiya hərəkatı» kimi istəklərin aşkarlanması və senzurası üçün alqoritmlərdən istifadə etməkdə günahlandırmışdı.
Bu həftənin əvvəlində Litva «Xiaomi» şirkətin smartfonlarında senzura alqoritmlərinin olması ilə bağlı iddialarını qiymətləndirmək üçün müstəqil bir mütəxəssis cəlb etmək niyyətində olduğunu bildirdi. Çinli istehsalçının səlahiyyətliləri, Alman tənzimləyicisinin apardığı təcrübəni şərh etməkdən bu günə qədər çəkinirlər.
Qeyd edək ki, Strategy Analytics -in statistik məlumatlarına görə, bu ilin ikinci rübündə «Xiaomi» bölgəyə rekord 12.7 milyon cihaz tədarük edərək ilk dəfə Avropanın ən böyük smartfon tədarükçüsü oldu.»Xiaomi»-nin Avropa smartfon bazarındakı payının sürətli artımı, başqa bir Çin istehsalçısı «Huawei»-nin ABŞ hökumətinin sanksiyalarına məruz qalmasından sonra başladı.
