Heidelberg, Köln və Padua Universitetlərinin Psixososial Tibb Mərkəzindən bir qrup tədqiqatçı smartfondan uzun müddət istifadənin beyin fəaliyyətinin azalmasına səbəb olduğunu iddia edir.
Tədqiqatda müxtəlif yaşlarda olan və nevroloji və psixi xəstəlikləri müəyyən edilməmiş 39 nəfər iştirak edib. Onlar iki qrupa bölündülər, burada birinə mobil qacetlərə güclü aludəliyi olan, ikincisi isə orta səviyyədə olan insanlar daxil idi. Onlar diqqətlilik, yaddaş və reaksiya üzrə müxtəlif tapşırıqları yerinə yetirməli idilər. Eyni zamanda, maqnit rezonans tomoqrafiyası vasitəsilə iştirakçıların beyin fəaliyyəti qiymətləndirilib.
Təcrübənin nəticələri göstərdi ki, ən həvəskar smartfon istifadəçiləri beynin diqqət və impulslara nəzarət üçün cavabdeh olan frontoparietal hissəsində ən az aktivliyə malikdirlər. Alimlərin fikrincə, oxşar sinir nümunələri asılılıq davranışının digər formalarında da müşahidə olunur, istər smartfona, istərsə də zərərli maddəyə aludəçilik.
Tədqiqatçılar özləri də etiraf edirlər ki, test iştirakçılarının nisbətən az olması səbəbindən hər hansı nəticə və ya bəyanatlar çıxarmaq hələ tezdir. Bundan əlavə, respondentlərin əksəriyyəti gənclərdir ki, bu da nəticələri ümumiləşdirməyi çətinləşdirir. Həddindən artıq smartfon istifadəsinin müəyyən edilmiş sinir nümunələrinə səbəb olub-olmadığı və ya insanlarda nümunələrin olmasının qadcet asılılığına səbəb olub-olmadığı hələ aydın deyil.
