Caspel MMC “Dell Technologies” tərəfindən 10 dekabr 2024-cü il tarixində təşkil olunan «FY24 Partner Awards Dinner» tədbiri çərçivəsində «Data Center Partner of the Year Azerbaijan» mükafatına layiq görülüb.
Qeyd edək ki, sözügedən mükafat Dell texnologiyalarını tətbiq etməklə, yüksək səriştə və bacarıq nümayiş etdirərək mürrəkəb və çoxşaxəli məlumat mərkəzlərinin yaradılması sahəsinə uğurlu töhfə verən tərəfdaşlara təqdim edilir.
Ölkənin ilk İKT inteqratorlarından biri kimi Caspel, öz fəaliyyəti çərçivəsində məlumat mərkəzlərinin layihələndirilməsi, tikintisi və optimallaşdırılması sahəsində nüfuzlu nailiyyətləri, eləcə də qabaqcıl texnologiyaların tətbiqi və yüksək keyfiyyət standartları ilə müştərilərin qlobal miqyasda problemlərinin effektiv, davamlı və etibarlı şəkildə həll etməsi ilə seçilir.
Şirkət qeyd olunan istiqamətdə irimiqyaslı layihələr həyata keçirdiyinə və cari rəqəmsal transformasiya dövründə fərqli və çoxşaxəli bizneslərə kömək etdiyinə görə xüsusi təşəkkürnaməyə layiq görülüb.
Qeyd etmək istəyirik ki, 2024-cü ildə Caspel MMC-nin iki əməkdaşı məlumat mərkəzlərinin layihələndirilməsi üzrə “Accredited Tier Designer” və “Accredited Tier Specialist” sertifikatlarını əldə etmişdi.
“Caspel MMC” şirkətini əldə olunmuş uğurlar münasibətilə təbrik edirik!
