Britaniyanın Suonsi Universitetinin alimləri smartfona qoşulan proqram vasitəsilə pasiyentin yarasının vəziyyəti haqqında məlumat verəcək «ağıllı bintlər» layihəsini hazırlayırlar. İnnovasiya texnologiyası il ərzində yoxlamalardan keçiriləcək.
«Ictinfo.az» «dni24.com»-a istinadən bildirir ki,sarğı materialı qanın laxtalanmasının səviyyəsi və yarada baş verən proseslər barədə məlumatları toplayan xırda sensorlardan və tənzimçilərdən ibarət olacaq. Bütün məlumatlar pasiyentin smartfonuna 5G vasitəsilə ötürüldükdən sonra nəticə müalicə edən həkimə göndəriləcək.
Bintə tikilmiş tənzimçiləri nanotexnologiyalar üzrə ekspertlər yaradır.Sarğı materialı üçün parça 3D-printerdə çap edəcəklər ki, bu da bu növ bintin yaradılması xərclərini azaldacaq.
