ABŞ-ın «Arovia» startapı qatlanan mexanizmli yığcam monitor düzəldib. «Kickstarter» meydançasında müvafiq pul toplama kampaniyasına başlanılıb.
«SPUD» (ing. «Spontaneous Pop-up Display» – «ani açılıb-bağlanan monitor») adlandırılmış qurğu proyektor rolunu oynayır «SPUD» monitorunun diaqonalı 24 düym, təsvir ölçüsü 1280×720 pikseldir. Cihazın çəkisi 900 qr-dır, yığılmış vəziyyətdə onun ölçüsü kitab boydadır. «naked-science.ru» saytı yazır ki, monitor «HDMI» konnektoru vasitəsilə təsvirin göstərilməsini dəstəkləyən qurğularla birgə işləyə bilər. Tədarük dəstinə «USB-HDMI» birləşdirici əlavə etmək planlaşdırılır. «SPUD» akkumulyatoru parlaqlıqdan asılı olaraq 3-6 saatadək avtonom işləməyə imkan verir. Bu halda istehsalçılar bildiriblər ki, əgər 250 min dollardan çox vəsait toplanılsa, qurğu daha tutumlu batareya ilə təchiz ediləcək.
«SPUD» adlı qurğunun minimum dəyəri 349 dollar təşkil edir. 2017-ci ilin yanvarında qurğunun istifadəçilərə göndərilməsi planlaşdırılıb.
http://www.youtube.com/watch?v=Y0DllrjR7vk
