IOS üçün ən məşhur proqramların reytinqi açıqlandı

“Apple” korporasiyasının nümayəndələri “App Store” firma mağazasında ən çox yüklənən pulsuz proqramların reytinqini açıqlayıb.”İctinfo.az” “dni24.com”-a istinadən bildirir ki,IOS üçün ən məşhur proqramların reytinqinə ”Snapchat” mesaj  mübadilə xidməti başçılıq edir. Reytinqdə 2015-ci il bu messencer yalnız beşinci yerdə idi. Və indiki reytinqdə əvvəlki lider “Trivia Crack” heç iştirak etmir.

Reytinqin ikinci yerində Facebook şirkətindən – Facebook Messenger əlavəsi gəlir. İyulda çıxmış “Pokemon Go” əlavə edilmiş reallıq oyunu liderlərin üçlüyünü bağlayır. Xatırladaq ki,bu oyun elan edildikdən sonra birinci həftədə yükləmə üzrə rekordları vurdu.

Dördüncü yerdə Instagram əlavəsi gəlir, beşincidə – “Facebook” sosial şəbəkəsinin müştərisi, sonra videoxostinq “YouTube”, “Google Maps” və “Pandora” əlavəsi  durur. Doqquzuncu yerdə “Netflix” proqramı durur. Sonluğu isə “Spotify Music” bağlayırr.

Ödənişli proqramların reytinqində isə ötən ildən birinciliyi qoruyan “Heads Up” oldu.

Bir qədər əvvəl isə “Google Android” əməliyyat sistemi üçün ən məşhur proqramların reytinqində birinci yeri “Prisma” əlavəsi tutub.