Uzaq 1985-ci ildə Lümyer qardaşların ağlına da gəlməzdi ki, onların patenti dünyanı bu qədər dəyişdirə biləcək.
Videoçəkiliş, ekşn-kamera, “slow-mo”, kino, Oscar, Berlinale, bədbəxt Leonardo Di Kaprio və xoşbəxt Uolt Disney – ixtiranın nəticələrinin kiçik bir siyahısıdır. Yanvarın 6-sı 1896-cı ildə qardaşlar tərəfindən ağ-qara qısametrajlı film təqdim olunmuşdur. Sözsüz ki, söhbət “La-Syota vağzalına gələn qatar”dan gedir.
Film tarixdə ilk dəfə perspektivada hərəkəti göstərib – qatarın yerdəyişməsi məkan effektini yaratmışdır. Beləliklə, Çarli Çaplinin və səssiz kino dövrünün əsası qoyulub. İllər keçdikcə kobud, böyük kameralar bir-birini əvəz edərək dəyişirdilər, lakin Lümyer qardaşların ixtiranın mexanikası bir neçə il istifadə olunurdu. 80-ci illərdə dünyaya ilk analoq video buraxılmağa başlayanda vəziyyət köklü surətdə dəyişməyə başladı.
Bu hadisə mayın 11-i 1980-ci ildə baş verib – məhz o zaman Sony’dən əfsanəvi kamera işıq üzü görüb. Təbii ki, təsvirin keyfiyyəti pis idi, lakin bu əsl çevriliş idi. Bu andan etibarən, cihaz həm yığcam oldu, həm də rəngdə çəkməyə imkan verdi. İstehlakçı uğrunda əsl müharibə 1985-ci ildə başladı. O vaxt yapon şirkəti Video 8 analoq standartın videoplyonkanı buraxır, JVC şirkəti isə VHS-C formatını tətbiq edir. Beləcə, kamera-camcorder yarandı. 1995-ci ildə tarixdə yeni mərhələ başlayıb: miniDV formatlı ilk rəqəmsal kamera Sony DCR-VX1000 buraxılıb. Onun qiyməti xeyli baha olsa da, təsvirin keyfiyyəti çox yüksək idi. 2002-ci ildə quraşdırılmış kamera ilə olan ilk mobil telefon işıq üzü görüb – Sanyo SCP-5300. Təsviri çox pis olsa da, o, texnoloqiyanın gələcək inkişafında böyük rol oynadı.
Ola bilsin ki, bizi gələcəkdə yeni bir çevriliş gözləyir. Kameralar artıq smartfon, kompyuter, planşetlərə quraşdırılıb və digər növ məişət texnikaya inteqrasiya etməkdədir.
