«iPhone»-u bir müddətlik sıradan çıxardan video yayılıb

İnternet istifadəçiləri iPhone-nun çalışmasını dayandıran çox maraqlı video ilə rastlaşıblar.

Belə ki, 5 saniyəlik mənasız video iPhone-nu uzunmüddətli «yuxuya” qərq edir. 5 saniyəlik videoya baxdıqdan sonra cihaz istifadəçinin heç bir əmrinə reaksiya vermir. Bu hal həm iPhone-da həmdə iPad-da müşahidə olunur. Sözügedən effekti yoxlamaq üçün videonu bu linkdən yükləmək olar. «Technote.az”ın «Macdigger.ru”a istinadən verdiyi xəbərə əsasən cihazı əvvəlki vəziyyətinə qaytarmaq üçün isə onu yenidən işə salmaq lazımdır. Bunun üçün iPhone-nun «Power” və «Home” düymələrini birlikdə 10 saniyə ərzində basılı şəkildə saxlamaq lazımdır. Bundan sonra iPhone və iPad əvvəlki kimi çalışmağa başlayır. Bu hal həmçinin sistemin sonuncu iOS 10.2 yenilənməsindədə müşahidə olunur. Çox güman ki, məsələ Safari brauzerində və ya sistem təminatındakı nasazlıq ilə bağlıdır.