Yaponiyanın “Nintendo” şirkəti dekabrın 15-də “iPhone” və “iPad” üçün “Super Mario Run” oyununu istifadəyə verməyi planlaşdırır.“runews24.ru” saytının məlumatına görə, bu barədə Qərbin sahə KİV-ləri xəbər verib.
Onların məlumatına görə, oyunun baza versiyası pullu rejimdə olacaq. Oyunun tam olaraq blokdan çıxarılması üçün isə 9,99 dollar ödəmək lazım gələcək.
“Super Mario Run” 2D arkada oyunudur. Bu oyunun qəhrəmanı avtomatik olaraq qaçacaq, oyunçu isə onun tullanışlarını hesablamalı olacaq.
Tək rejimli oyundan başqa, oyunda multipleyer də nəzərdə tutulub ki, istifadəçilər dostları ilə ən yüksək xal üçün mübarizə apara biləcəklər. Hər iki rejimdə oyunçular “pul” qazanacaq ki, sonradan bu vəsait Göbələk krallığının yaradılmasına xərclənəcək.
“Super Mario Run” oyununu 8.0 və daha yuxarı versiyalı iOS bazalı “İphone” smartfonları, “iPad” planşetləri və “iPod” pleyerləri ilə istifadə etmək mümkün olacaq.
