İtmiş sənədlərinizi poçt şöbəsindən soruşun

Yaxın vaxtlarda «Azərpoçt» itirilmiş sənədlərin tapılmasında vətəndaşlara kömək edəcək

Rabitə və Yüksək Texnologiyalar Nazirliyi “Azərpoçt” MMC yeni sosial layihəyə başlayır. Yeni layihə itirilmiş sənədlərin tapılması ilə bağlıdır. Belə ki, vətəndaşlar itirilmiş hər hansı sənədi istənilən poçt şöbəsinə təqdim edə biləcək. Sənədini axtaran şəxslər isə ən yaxındakı poçtdan bu barədə məlumat və əgər tapılıbsa, sənədini ala biləcək.

Hazırda layihənin reallaşdırılması üçün zəruri işlər aparılır. Yeni xidmət barədə yaxın vaxtlarda ictimaiyyətə ətraflı məlumat veriləcək.