Günəş enerjisi adətən parlaq gün işığı ilə əlaqələndirilir,lakin Avstraliya alimləri fərqli bir yanaşma təklif edirlər.Onlar günəş batdıqdan sonra gün ərzində yığılan istidən istifadə edərək elektrik enerjisi istehsal etmək üçün bir yol üzərində işləyirlər.
İdeya, onu udmaq əvəzinə işıq saçan termoradiativ diod üzərində qurulub. Yer gecə istiliyi infraqırmızı şüalanma kimi yayır və yarımkeçirici onu elektrik cərəyanına çevirə bilər.Bu,bir növ «tərs» günəş panelidir.
İndiyə qədər bu cür prototiplərin gücü olduqca aşağıdır — ənənəvi günəş panellərindən təxminən 100.000 dəfə aşağı və kvadrat metrə təxminən 1 vatt təşkil edir. Bu, rəqəmsal saatı enerji ilə təmin etmək üçün çətinliklə kifayətdir. Bundan əlavə, Yer atmosferi səmərəliliyi əhəmiyyətli dərəcədə azaldır.
Lakin kosmosda şərait daha yaxşıdır. Alimlər hesab edirlər ki, texnologiya aşağı orbitdə peyklər üçün potensiala malikdir, burada 45 dəqiqə işıq və qaranlığın növbələşir. Diodlar, soyuq vakuumda peykin korpusundan çıxan istidən istifadə edərək köməkçi enerji təmin edə bilər.
