Android 16 əsaslı HyperOS 3-ün buraxılmasından sonra Xiaomi, cihazlarının əvvəlki modelləri üçün proqram təminatını sınaqdan keçirməyə başlayıb. Tezliklə ən son istifadəçi interfeysinin stabil versiyasını alacaq 15 cihazın siyahısı artıq internetdə ortaya çıxıb.
Xiaomitime-a görə, şirkət hazırda Android 15 əsaslı HyperOS 3-ü aşağıdakı cihazlar üçün sınaqdan keçirir:
Xiaomi 12T Pro/12 Pro/12S/12S Pro/12S Ultra/13 Lite/Civi 3/Mix Fold 2.
Redmi K60 Pro/Note 13 5G/Note 12T Pro.
POCO F5/F5 Pro.
Xiaomi Pad 6 Max/6 Pro planşetləri.
Xiaomi 12T Pro, 12S Ultra, 12 Pro, Xiaomi 13 Lite, Redmi Note 13 5G, eləcə də POCO F5 və F5 Pro modellərinin Android 15 əsaslı HyperOS-un son versiyasını dekabr ayında almağa başlaması və yeniləmə dalğasının 2026-cı ilin mart ayında başa çatması gözlənilir. Tərtibatçıların sözlərinə görə, proqram təminatı funksional olaraq Android 16 əsaslı versiyalarla demək olar ki, eyni olacaq.
