Rəqəmsal inkişaf və nəqliyyat nazirinin müavini Saməddin Əsədov Avropa İttifaqının Azərbaycandakı səfiri Mariyana Kuyundziçlə görüşüb. Görüşdə Bakıda keçiriləcək Ümumdünya Telekommunikasiyanın İnkişafı Konfransına hazırlıq prosesi, qlobal rəqəmsal bağlantının gücləndirilməsi və bu sahədə Azərbaycan – Aİ əməkdaşlığının genişləndirilməsi məsələləri müzakirə olunub.
Avropa İttifaqı tərəfi ölkəmizin qlobal rəqəmsal əlaqəliliyin inkişafı və dayanıqlı transformasiyanın təşviqi istiqamətindəki səylərini yüksək qiymətləndirib və göstərilən təşəbbüslərə dəstəyini bir daha ifadə edib.
Azərbaycan tərəfi öz növbəsində Aİ ilə rəqəmsal və nəqliyyat sahələrində qarşılıqlı, faydalı əməkdaşlığın davam etdirilməsinə hazır olduğunu vurğulayıb, Ümumdünya Telekommunikasiyanın İnkişafı Konfransı çərçivəsində bu əməkdaşlığın yeni məzmunla zənginləşdirilməsinin əhəmiyyətini qeyd edib.
