OpenAI indi təkcə populyar chatbotun yaradıcısı kimi deyil, həm də ən bahalı özəl şirkət kimi tanınır.O, hətta SpaceX və TikTok tərtibatçıları kimi nəhəngləri də üstələyib.
Bu yaxınlarda OpenAI investorlara 10,3 milyard dollarlıq səhm satmağa icazə verdi. Ən böyük investorlar arasında Yaponiyanın Softbank holdinqi, Amerikanın Thrive Capital investisiya şirkəti, Əbu-Dabi suveren fondu MGX və beynəlxalq investisiya idarəçiliyi şirkəti T. Rowe Price var.
Bloomberg-in məlumatına görə, bu qərar şirkətin dəyərini 300 milyard dollardan 500 milyard dollara yüksəldib. Müqayisə üçün qeyd edək ki, SpaceX 400 milyard dollar, ByteDance (TikTok-un yaradıcısı) isə 220 milyard dollar dəyərində qiymətləndirilir.
Bununla belə, Forbes-in məlumatına görə, şirkət hələ də mənfəət əldə etməyib. Belə ki, “The Information”ın öz mənbələrinə istinadən verdiyi məlumata görə, 2025-ci ilin birinci yarısında xalis nağd pul axını təxminən 2,5 milyard dollar təşkil edib. Bu ilin sonuna qədər şirkət 13 milyard dollara qədər gəlir əldə etməyi gözləyir.
