AnTuTu etalonunun tərtibatçıları orta büdcə kateqoriyası üzrə ən güclü smartfonların aylıq reytinqini yeniləyiblər. Maraqlıdır ki, avqustun nəticələrinə görə, ilk üç yeri MediaTek-in prosessorları əsasında qurulan qurğular tutub.
Birinci yerə MediaTek Dimensity 8400-Max prosessoru və orta nəticə 1.701.978 xalla realme Neo7 SE layiq görülüb. İkinci yerdə Dimensity 8400 çipi və 1 666 693 balla iQOO Z10 Turbo, üçüncü yerdə Redmi Turbo 4 qərarlaşıb. O, Dimensity 8400-Ultra ilə təchiz edilib və 1 665 542 xal toplayıb.
Dördüncü yeri OPPO Reno14 Pro (1,568,903), beşinci yeri isə OPPO Reno14 (1,332,135) tutub. Altıncı yeri Redmi K70E (1 295 531), yeddinci və səkkizinci yeri isə müvafiq olaraq Honor 400 (1 116 332) və vivo S30 (1 000 668) tutub.
Sondan əvvəlki yeri iQOO Neo7 SE (953 480) tutub və reytinqi Redmi Note 12T Pro (870 402 xal) qapayır.
