“Samsung” şirkəti displeyi 100 mikrondan az olan LED-lərdən ibarət Micro RGB arxa işığına malik yeni televizorunu təqdim edib. Adi arxa işıqlandırmadan fərqli olaraq, yeni texnologiya RGB LED-lərə dəqiq nəzarət etməyə imkan verir.
Micro RGB texnologiyası daxili süni intellektə malik Samsung Micro RGB AI mühərrikinə əsaslanır, o, hər bir kadrı real vaxt rejimində təhlil edir və «daha real və immersiv şəkillər» göstərmək üçün səs və şəkli optimallaşdırır. Micro RGB Color Booster Pro funksiyası ilə mühərrik tutqun rəng tonları olan səhnələri tanıyır və şəkli yaxşılaşdırır, Micro RGB Precision Color isə maksimum rəng dəqiqliyi və parlaqlığını təmin edir. Şirkətin məlumatına görə, displey BT.2020 rəng məkanının 100%-ni əhatə edir. Parıltını minimuma endirən Glare Free texnologiyası da var və hətta parlaq işıqda da rahat baxmaq mümkündür.
Televizor nazik metal korpusa malikdir və Tizen OS-də işləyir. Əlavə təsvir və səs emalı üçün quraşdırılmış səs köməkçisi Bixby və Samsung Vision AI də var. Televizor Samsung Knox tərəfindən qorunur və cihazın əməliyyat sistemi yeddi il müddətinə yenilənəcək.
Samsung-un yeni televizoru Koreyada, daha sonra ABŞ-da, sonra isə bütün dünyada satışa çıxarılacaq.
