Microsoft-un Ailə Təhlükəsizliyi valideyn nəzarəti funksiyası Windows-da Google Chrome brauzerinin işə salınmasını əngəlləməyə başlayıb. Bununla bağlı ilk hesabatlar ayın əvvəlində, bəzi istifadəçilər Chrome-un ya işə salınmasını dayandırdığını və ya onunla qarşılıqlı əlaqə zamanı kortəbii bağlandığını fərq etdikdə ortaya çıxdı.
Chrome dəstəyi təsdiqləyib ki, Chrome-un Windows-da işə salınması və işləməsi ilə bağlı problem Ailə Təhlükəsizliyi valideyn nəzarəti funksiyasındakı səhvdən qaynaqlanır. «Komandamız bu hesabatları nəzərdən keçirdi və bu davranışın səbəbini müəyyən etdi.Bəzi istifadəçilər üçün Microsoft Ailə Təhlükəsizliyi funksiyası aktivləşdirildikdə Chrome işə salınmaya bilər»- Chrome dəstək nümayəndəsi bu məsələni şərh etdi.
Firefox və Opera kimi digər brauzerlər bu problemdən təsirlənmir. Bəzi istifadəçilər hətta Chrome.exe qısayolunun adının Chrome1.exe olaraq dəyişdirilməsinin Chrome ilə problemi həll edə biləcəyini tapdılar. Microsoft 365 abunəliyinin bir hissəsi olaraq valideyn nəzarətini aktiv etmiş məktəblər və valideynlər Chrome-un yenidən işləməsi üçün Ailə Təhlükəsizliyində «uyğun olmayan veb-saytları filtrləyin» seçimini deaktiv edə bilərlər.
Microsoft-un iki həftədən çox davam edən problemi nə vaxt həll edəcəyi bəlli deyil. “Microsoft” rəsmiləri hələlik məsələ ilə bağlı açıqlama verməyiblər.
