“mygov” platformasında təqdim olunan rəqəmsal xidmətlərin əhatə dairəsi genişlənməyə davam edir. Yeni istifadəyə verilmiş xidmət vasitəsilə vətəndaşlar Azərişıq ASC tərəfindən təqdim edilən “Borcun araşdırılması və borcun olmaması (və ya olması) barədə sənədin verilməsi” üçün artıq tamamilə elektron formada müraciət edə bilərlər.
Bu xidmət indi həm “mygov” portalı, həm də mobil tətbiqində vətəndaşlara əlçatan olub. Sözügedən xidmətin “mygov” platformasına inteqrasiyası Azərişıq ASC-nin və İnnovasiya və Rəqəmsal İnkişaf Agentliyinin birgə əməkdaşlığı ilə baş tutub.
Yeni rəqəmsal xidmətin imkanları sayəsində istifadəçilər abonent kodu əsasında mövcud borc statusunu yoxlaya və rəsmi elektron arayış əldə edə bilirlər.
Proses aşağıdakı mərhələlər üzrə həyata keçirilir:
- İstifadəçi abonent kodunu daxil edir və “Yoxla” düyməsini klikləyir.
- Sistem aşağıdakı məlumatları təqdim edir:
- Ad, soyad
- Cari borc
- Dövriyyədə olmayan borc
- Son göstərici tarixi
- Son akt tarixi
- Son ödəniş tarixi və məbləği
- İstifadəçi əlaqə vasitələrini (mobil nömrə və e-poçt) daxil edir.
- İstəyə bağlı olaraq əlavə qeyd sahəsi doldurula bilər.
- “Göndər” düyməsi ilə sorğu təqdim olunur və sistem tərəfindən təsdiqlənir.
- Sorğu Azərişıq ASC-yə yönləndirilir və bu barədə istifadəçiyə SMS bildirişi göndərilir.
- Sorğunun statusu “Tarixçə” bölməsində əks olunur.
- Arayış hazır olduqda vətəndaşa yenidən bildiriş göndərilir.
- İstifadəçi “Tarixçə” bölməsindən sənədin elektron versiyasına baxa və onu yükləyə bilir.
Qeyd edək ki, bu yenilik vətəndaş rahatlığının artırılması, vaxt itkisinin azaldılması və kağızsız xidmət modelinə keçidə xidmət edir.
