Hər il 28 yanvar Məlumatların Mühafizəsi Günü kimi qeyd olunur.Azərbaycan Kibertəhlükəsizlik Təşkilatları Assosiyasiyası bunula bağlı məlumat paylaşıb.Məlumatda bildirlir ki,fərdi məlumatlarınızın mühafizəsinin gücləndirilməsi üçün aşağıdakılar tövsiyə olunur:
- Şəxsiyyət vəsiqəsi, bank kartı və əlaqə məlumatlarınız kimi fərdi məlumatlarınızı tanımadığınız şəxs və ya şəxslərlə, həmçinin sosial media hesablarınızda paylaşarkən diqqətli olun;
- Şübhəli keçidlərə daxil olmayın və tanımadığınız nömrələrdən gələn zənglərə və mesajlara cavab verməkdən çəkinin. Rəsmi qurum, təşkilat və ya şirkətlərin sizdən telefon zəngi vasitəsilə müxtəlif fərdi məlumatlar tələb etməyəcəyini unutmayın;
- İstifadə etdiyiniz proqramların və sosial media hesablarının məxfilik parametrlərini diqqətlə nəzərdən keçirin;
- Fərdi məlumatlarınızın yer aldığı hesablarınıza məxsus şifrələrinizi gücləndirin: şifrə idarəetmə tətbiqləri ilə (məs., “Google Password Manager”, “LastPass”, “1Password” və s.) güclü, unikal və təsadüfi şifrələr yaradın. Eyni zamanda mütəmadi olaraq şifrələrinizi yeniləyin. Eyni zamanda, şifrələrinizi mütəmadi olaraq yeniləyin;
- Elektron poçt, bank və sosial şəbəkə hesablarınızda ikimərhələli təsdiqləmədən (2FA) istifadə edin;
- Ən son təhlükəsizlik parametrlərinə sahib olmaq üçün cihazlarınızda proqram təminatı yeniləmələrini gecikdirməyin;
- Təhlükəsizlik bildirişlərinin əlçatanlığını yoxlayın. Bu bildirişlər sistem xətalarını əvvəlcədən müəyyən edərək aradan qaldırmağa kömək edir;
- Lisenziyalı antivirus və “anti-malware” proqramlarından istifadə edin. Cihazlarınızı zərərli proqramlardan qoruyun ki, şəxsi məlumatlarınız təhlükəyə düşməsin;
- Şifrəsiz ictimai “Wi-Fi” şəbəkələrindən istifadə edərkən ehtiyatlı olun və cihazlarınızda şəbəkəyə avtomatik qoşulma funksiyasını deaktiv edin;
- Cihazınızda “Bluetooth”u istifadə etmirsinizsə, söndürülmüş vəziyyətdə saxlayın;
- İtirilmə, silinmə, bloklanma və ya dəyişdirilmə hallarında məlumatlarınızı bərpa edə bilmək üçün hər zaman məlumatların ehtiyat nüsxələrini yaradın. Məlumatlarınızın təhlükəsiz bulud xidmətində və ya xarici yaddaş qurğularında saxlanılması onların bərpa olunması zamanı kömək olacaq.
