Bakı Mühəndislik Universiteti Texnoparkının təşkilatçılığı ilə
“Şirkətləşmə və Hüquqi Proseslər” mövzusunda interaktiv workshop
keçirilib. Tədbirdə startaplar, sahibkarlar və öz biznes ideyalarını
reallaşdırmaq istəyən gənclər üçün dəyərli məlumatlar təqdim edildi.
Workshop çərçivəsində iştirakçılar aşağıdakı mövzular üzrə
məlumatlar əldə etdilər:
✅ İdeyanın şirkətə çevrilməsi yolları;
✅ Hüquqi prosedurlar və normativ tələblər;
✅ Fərqli biznes quruluşları: MMC, fərdi sahibkar və digər modellər;
✅ Müqavilələrin önəmi, müəllif hüquqları və s.
Tədbirdə təcrübəli mütəxəssislər spiker qismində çıxış etdilər. Əsas spikerlərdən olan Anar Əlizamanlı və Namiq Hüseynov sahibkarlıq sahəsindəki zəngin bilik və təcrübələrini bölüşərək iştirakçılara praktiki tövsiyələr verdilər. Anar Əlizamanlı hüquqi prosedurlar və biznes modelləri üzrə peşəkar biliklərini auditoriya ilə paylaşıb və biznesin hüquqi çərçivədə necə inkişaf etdirilməli olduğu barədə önəmli məlumatlar paylaşsdı. Namiq Hüseynov isə müqavilələr, intellektual mülkiyyət hüquqları və patentlərin önəmi mövzularına toxunaraq iştirakçılara sahibkarlıq fəaliyyətində bu amillərin əhəmiyyətini izah etdi.
Tədbirin sonunda iştirakçılar praktik nümunələr ətrafında sual – cavab şəklində müzakirələr apardılar. BMU Texnoparkın təşkilatçılığı ilə baş tutan bu tədbir, sahibkarlıq sahəsində ilk addımlarını atmaq istəyənlər üçün unikal bir proqram oldu.
BMU Texnoparkı innovativ ideyaları reallaşdırmaq və sahibkarlıq ekosistemini gücləndirmək istiqamətində fəaliyyətlərini davam etdirməkdədir.
Gələcəkdə daha çox faydalı təlim və seminarların təşkil olunması planlaşdırılır.
