İnnovasiya və Rəqəmsal İnkişaf Agentliyi (İRİA) ilin yekunlarına və innovasiya sahəsində fəallığı ilə seçilən oyunçuların mükafatlandırılmasına həsr olunmuş “digital.azerbaijan: Nailiyyətlər və IDDA Awards 2024” mərasimini keçirib.
İki hissədən ibarət tədbirin birinci hissəsində İRİA-nın il ərzində fəaliyyətinin yekununa dair hesabatlar təqdim edilib. Tədbirin ikinci hissəsində isə “IDDA Awards” müsabiqəsinin mükafatlandırılma mərasimi keçirilib.
Qürurla bildirmək istəyirik ki, Yeni Fikir IDDA Awards 2024 müsabiqəsində İlin Ekosistem Oyunçusu nominasiyası üzrə seçilərək 3-cü yer qazandı!
Bu mükafat il ərzində göstərdiyimiz əzm və nəticələrin bir göstəricisidir. Qarşıda bizi daha böyük hədəflər gözləyir və biz əminik ki, birlikdə daha çoxunu əldə edəcəyik.
Qeyd edək ki, IDDA Awards 2022-ci ildə İnnovasiya və Rəqəmsal İnkişaf Agentliyi tərəfindən təsis edilib. Müsabiqənin keçirilməsində əsas məqsəd ekosistemin ən perspektivli innovatorlarını tanıtmaq, onların fəaliyyətini dəstəkləmək, ölkə innovasiyasının inkişafında aktiv iştirak edən oyunçular arasında rəqabət mühiti yaratmaqdır.
