HUAWEI nova 13 xətt smartfonların qlobal versiyalarının buraxıldığını elan etdi.Şirkət X sosial şəbəkəsindəki rəsmi hesabında qarşıdan gələn təqdimata işarə edərək, yeni məhsulların reklam şəkillərin dərc etdi.
Şəkillərdə HUAWEI nova 13-ün əsas modeli və onun Pro versiyası göstərilir. İstehsalçı dəqiq tarixi göstərmir, lakin məlumdur ki, Mate X6-nın qlobal premyerası dekabrın 12-nə planlaşdırılıb.Yəqin ki, həmin gün nova 13 xətt smartfonların beynəlxalq versiyaları da təqdim olunacaq.
Başqa təfərrüatlar yoxdur, lakin tizerlərdən belə qənaətə gəlmək olar ki, HUAWEI nova 13 qlobal telefonları üç korpus rəngində olacaq: yaşıl, ağ və qara. Kamera modulunun görünüşü istisna olmaqla, hər iki cihazın dizaynı ümumiyyətlə oxşardır.
