Elon Mask Starship raketində şəhərlər arasında uçmağın reallığa çevrilə biləcəyini bildirib. Rraketin ilkin olaraq Aya və ya Marsa uzun məsafəli uçuşlar üçün istifadə edilməsi planlaşdırılırdı, lakin SpaceX rəhbərinin sözlərinə görə, onunla şəhərlər arasında da səyahət etmək mümkündür.
Mask öz fərziyyəsini X sosial şəbəkəsində Starship raketində beynəlxalq uçuşlar üçün konseptual reklam videosuna şərhində etdi. O yazıb ki, “indi mümkündür”.Təyyarənin sürəti 900 km/saat,raketin sürəti isə 27.000 km/saatdır və bu, uçuş müddətini xeyli azaldacaq. Məsələn, Moskva ilə Vladivostok arasındakı məsafəni 15 dəqiqəyə qət etmək olar.
Belə bir sürətin raketin kosmosa çıxması və oradan təyinat yerinə göndərilməsi səbəbindən mümkün olacağı güman edilir. Təxmini tutum — 1000 nəfər. Mask daha əvvəl təklif etmişdi ki, səyahət vaxtı qısa olduğuna görə “tualetə, kabinəyə və ya mətbəxə ehtiyac olmayacaq”.Lakin bir əmma var ki,biletin qiyməti minlərlə dollar ola bilər.
