Xiaomi Redmi adı aıtnda yeni büdcəli 4K smart televizorlarını təqdim etdi.
Redmi Smart Fire TV əvvəlcə 32 düymlük ekran və FHD təsvir ölçüsü ilə buraxıldı. İndi Çin markası 4K təsvir ölçülü və diaqonalı 43 və 55 düym olan daha bahalı modellər istehsal edir. Onlar 4K HDR, MEMC texnologiyası, Dolby Audio və DTS: Virtual X texnologiyasını dəstəkləyir.
55 düymlük Redmi Smart Fire TV 4K 30 Vt dinamiklərlə, 43 düymlük variant isə 24 Vt səs sistemi ilə gəlir. Avadanlığa Cortex-A55 nüvəli dördnüvəli çip, 2 QB əməli yaddaş və 8 QB daxili fləş yaddaş daxildir.
İstifadəçilər Alexa-nı dəstəkləyən və Amazon Prime Video, Netflix və Amazon Music üçün xüsusi düymələri olan Redmi Voice Remote əldə edirlər. Digər xüsusiyyətlərə ikili zolaqlı WiFi, Bluetooth 5.0, 3,5 mm qulaqlıq girişi, HDMI 2.1 və V1, H.265, H.264 və MPEG1/2/4 kodeklər üçün dəstək daxildir.
Qiyməti müvafiq olaraq 300 və 430 dollardır.
