Meta Platforms-a məxsus Threads mikrobloq xidməti yeni funksiyalar almağa davam edir. Bu dəfə istifadəçilərə onlara cavablarla yanaşı dərc edildikdən 24 saat sonra yoxa çıxacaq yazılar yerləşdirməyə imkan verən funksiyanın tezliklə işə salınması məlum olub. Şirkət bu xüsusiyyətin hazırda məhdud sayda Threads istifadəçisi ilə sınaqdan keçirildiyini təsdiqləyib.
İnstaqramın rəhbəri Adam Mosseri Threads tərtibatçılarının avtomatik arxivləşdirmə funksiyası ilə sınaqdan keçirdiklərini bildirdikdən bir neçə ay sonra yoxa çıxan mesajlara dəstəyin inteqrasiyası haqqında məlumat ortaya çıxdı. Bu seçim istifadəçilərə yazılarının avtomatik olaraq lentdən gizlədiləcəyi tarixi təyin etməyə imkan verir. Bununla belə, xidmət istifadəçiləri əsasən bu yeniliyə mənfi reaksiya veriblər, ona görə də avtomatik arxivləşdirmə hələ geniş yayılmayıb. Şirkət yəqin ki, yoxa çıxan mesajların istifadıçilər tərəfindən daha yaxşı qəbul ediləcəyini düşünürdü.
Xatırladaq ki, bu ayın əvvəlində Threads istifadəçi bazası dünya üzrə 200 milyon insanı ötmüşdü. Bir müddət əvvəl platforma tərtibatçıları “Insights” adlı analitik aləti təqdim etdilər ki, bu da çoxlu sayda abunəçisi olan insanlar üçün xüsusilə faydalı olacaq. Eyni zamanda, Meta istifadəçilərə əvvəlcədən yazılar yaratmağa və onların digər istifadəçilərə görünməli olduğu tarix və vaxtı təyin etməyə imkan verəcək planlaşdırılan göndərmə funksiyasını elan etdi.
