Huawei şirkəti istifadəçilərini yeni məhsulları ilə təəcübləndirməkdə davam edir. Belə ki, müasir dizaynı, yüksək texniki göstəriciləri və münasib qiyməti ilə seçilən yeni HUAWEI nova 12i modeli 2024-cü ilin mart ayında ictimaiyyətə təqdim olundu.
Dizayn və ekran
HUAWEI nova 12i-nin hamar dairəvi arxa paneli incə dizayna malikdir. Smartfon iki rəngdə təqdim olunur: zümrüdü yaşıl və obsidian qara. Korpusun arxa tərəfində yerləşən kamera blokunun ətrafındakı halqa smatfonun görüntüsünə incə cazibədarlıq verir. Nova 12i, 1080×2388 piksel ölçüsündə və 90 Hz yenilənmə tezliyində parlaq 6.7 düym ekran ilə təchiz edilib. Bütün bunlar, məlumatların aydın görüntüsünü və rahat istifadəsini təmin edir.
Performans və batareya
HUAWEI nova 12i, güclü Qualcomm Snapdragon 680 prosessordan və 8 GB operativ yaddaşdan ibarətdir. Bu isə cihazın daha sürətli və sabit işləməsini təmin edir. Smartfon çoxfunksionallığı dəstəkləyir və böyük həcmli tətbiqlərın, fotoların və videoların saxlanılması üçün kifayət edəcək 256 GB daxili yaddaş ilə təchiz edilib.
5000 mAh tutumlu batareya bir dəfə şarj edilərək uzun müddətli iş rejimini təmin edir. 40 Vt gücündə olan HUAWEI SuperCharge sürətli şarj texnologiyası sayəsində cihaz cəmi 30 dəqiqə ərzində 62% şarj oluna bilir ki, bu da smartfondan fəal istifadə edənlər üçün çox rahatdır.
Kamera
HUAWEI nova 12i-nin əsas üstünlüklərindən biri də onun kamerasıdır. 108 MP olan əsas kamera istənilən işıqlanma şəraitində yüksək keyfiyyətli foto və videolar çəkməyə imkan yaradır. Həmçinin, boke effektinin yaradılması üçün 2 MP dərinlik sensoru quraşdırılıb. 8 MP ön kameranın xüsusi funksiyası sayəsində hətta bulanıq arxa fonun mövcud olduğu şəraitdə belə aydın və canlı selfilər çəkmək mümkün olur.
Kameranın əlavə funksiyaları sırasına hərəkətin yavaşıdılması, panoram çəkiliş, taymlaps və çoxkameralı rejimi qeyd etmək olar. Süni intellekt şəkillərin keyfiyyətini artırır, hər bir xırda detalı nəzərə alır.
Proqram təminatı
HUAWEI nova 12i, EMUI 14 əməliyyat sistemi ilə təchiz olunub. Bu sistem rahat interfeys və bir çox faydalı funksiya təklif edir. Bunlar arasında – tətbiqlərin idarə olunması, fəaliyyətin izlənməsi və cihazlar arasında məlumat mübadiləsini asanlaşdıran SuperHub funksiyası var.
Yekun olaraq, HUAWEI nova 12i – dəb, performans və funksionallığın mükəmməl birləşməsidir. Keyfiyyətli kamera, parlaq ekran və uzun müddətli şəbəkədənkənar işləmə rejimi olan belə bir smartfonla siz həmişə bir addım öndə olacaqsınız.
