Çin öz orbital stansiyasında gələcək missiyalarda beynəlxalq astronavtların və turistlərin iştirakını artırmaq niyyətindədir. Çin Kosmik Agentliyi yaxın gələcəkdə kosmosun tədqiqini populyarlaşdıraraq daha çox insanı iştiraka cəlb etməyi planlaşdırır.
Hazırda Çində üç qrup astronavt hazırlanır və dördüncü qrup da işə götürülür. Bütün komandalar Aya mümkün ekipaj enişi də daxil olmaqla sonrakı kosmik missiyalar üçün aktiv siyahıya qoşulacaqlar.
Çinin kosmik proqramında hər yaşdan insanlar iştirak edir. Kosmosda gələcək uçuşlar üçün zəruri olan bacarıqlara, psixoloji və fiziki hazırlığa xüsusi diqqət yetirilir. Kosmik agentlik stansiyanı beynəlxalq ictimaiyyətin, o cümlədən planetin hüdudlarından kənara uçuşa pul xərcləməyə hazır olan alimlərin və sadə insanların üzünə açmağı planlaşdırır.
Hal-hazırda Çin Kosmik Agentliyi (CMSA) öz kosmik stansiyasında 130 uğurlu elmi tədqiqat və layihə elan edib. Onun əməkdaşları Yerə 300-dən çox nümunə göndəriblər. Yeni proqramda Çindən və xaricdən 500-ə yaxın tədqiqat institutu iştirak edib.
