2012-ci ildən HUAWEI tərəfindən hazırlanmış və 2019-cu ildən ictimaiyyətə təqdim edilən HarmonyOS əməliyyat sistemi hələ də Çin bazarı üçün eksklüziv olaraq qalır, lakin şirkətin planlarına qlobal genişlənmə daxildir. Bu barədə rəsmi olaraq HUAWEI-nin sədri vəzifəsini icra edən Erik Xu bildirib.
Çinin Shenzhen şəhərində keçirilən 21-ci HUAWEI Insights Sammitində çıxışı zamanı Erik Xu təsdiqlədi ki, Çin bazarı hələlik prioritet olaraq qalır, lakin onlar gələcəkdə HarmonyOS-u başqa ölkələrdə də buraxmaq niyyətindədirlər. Bundan əvvəl şirkət xüsusi əməliyyat sisteminə uyğunlaşdırılmış tətbiqlərin möhkəm təməlini yaratmağı planlaşdırır.
Qeyd edək ki, ötən ilin avqustunda buraxılan HUAWEI Mate 60 Pro iPhone-u bu mövqedən kənarlaşdıraraq Çində ən çox satılan smartfona çevrilə bilib. Bu yaxınlarda yeni flaqman Pura 70 seriyası təqdim edildi, bu da Orta Krallıqda böyük həvəslə qarşılandı.
