Amerikanın «SpaceX» şirkəti Gürcüstanda «Starlink» peyk internetini istifadəyə verib.Bu barədə «SpaceX-in rəhbəri İlon Mask «X» sosial şəbəkəsindəki səhifəsində (keçmiş «Twitter») «Starlink artıq Gürcüstanda mövcuddur» deyə mesaj yazıb.
Xatırladaq ki,»Starlink Georgia» hələ ötən ilin iyununda qeydiyyatdan keçib.İyulda Gürcüstanın Rabitə Komissiyası Amerika şirkətinə ölkədə peyk internet xidmətlərinin göstərilməsinə başlamaq üçün lazım olan icazələri verib.
“Starlink-in istifadəyə verilməsi yüksək keyfiyyətli sürətli interneti bütün regionlarda əlçatan edəcək. Bu, bütövlükdə iqtisadiyyatın inkişafı, o cümlədən turizmin təşviqi üçün mühüm faktdır. Əslində ölkədə elə bir yer olmayacaq ki, orada keyfiyyətli internet olmasın.
«Starlink» peyk yayımı bütün dünyada genişzolaqlı internetə çıxışı təmin etmək üçün nəzərdə tutulub.»SpaceX» öz əhatə dairəsini fəal şəkildə genişləndirir, mütəmadi olaraq yeni peyk ötürücülərini orbitə çıxarır. Hazırda «Starlink» şəbəkəsində 4500-dən çox telekommunikasiya cihazı fəaliyyət göstərir. Şirkətin kosmosa 12 min peyk buraxmağa icazəsi var, lakin son nəticədə 30 min cihazdan ibarət bir şəbəkə yaratmağı planlaşdırır.
Gürcüstanda fiziki şəxslər üçün Starlink peyk İnternetinin qiyməti ayda 160 laridən(təqribən 100 manat) başlayır, çatdırılma daxil olmaqla internet qəbulu üçün cihazın alınması təxminən 2015 lariyə (1266.47 manat)başa gələcək.
Şirkətlər üçün qəbuledici cihazın alınması ümumilikdə 8821 lariyə( 5544.17 manat ) başa gələcək və aylıq ödənişlər 708 laridən (444.99 manat) başlayır.
