Britaniyanın «Gridserve» şirkəti ən populyar elektrik avtomobil modellərini müəyyən etmək üçün 2022-ci il üçün «Google» axtarışlarını təhlil etdi. Hesabata 200-dən çox ölkədən 317 avtomobil haqqında məlumatlar daxildir.Bütün elektrikli avtomobillərdən Tesla Model 3 2022-ci ildə internet istifadəçiləri tərəfindən ən çox axtarılan avtomobil olub—19 989 872 dəfə.
Kia EV6 ikinci yeri, Tesla Model Y isə üçüncü yeri tutdu.
Maraqlıdır ki, 2022-ci ildə Model Y Avropada ən çox satılan avtomobil oldu və bu il hətta bütün dünyada ən çox satılan avtomobil kimi tanındı.
Yeri gəlmişkən, bütün hazırkı Tesla elektrik avtomobil modelləri ilk 10-luqdadır. Böyük səs-küyə səbəb olan Hyundai Ioniq 5 reytinqdə dördüncü yeri tutub. Siyahıya Porsche Taycan, Polestar 2, Lexus RZ və BMW i4 də daxildir. Maraqlıdır ki, 47 ölkədə axtarış sorğularının sayına görə birinci yeri məhz Lexus RZ tutub.Müxtəlif ölkələrin statistikasını götürsək, ABŞ və Avropada ən çox axtarılan Tesla Model 3-dür. Hindistanda yerli Tata Nexon, İndoneziyada isə büdcəli Çin elektromobili Wuling Air EV məşhurdur. Maraqlı məqamlar arasında bir çox Balkan ölkələrində axtarış sorğularında lider olan Xorvatiya hiperkarı Rimac Nevera da var.
