Virginia Tech tədqiqatçıları polietileni sabun, yuyucu vasitələr və digər məhsulların hazırlanmasında istifadə olunan yağ turşularına necə çevirməyi tapıblar. Bu, nəinki utilizasiya problemini həll edir, həm də gigiyena məhsullarının istehsalının maya dəyərini potensial olaraq azaldır və onları daha əlçatan edir.
Polietilen və polipropilen ən çox yayılmış iki plastik növüdür. Onlar birlikdə bütün plastik tullantıların təxminən yarısını — ildə təxminən 200 milyon ton — təşkil edir və onun 80% -dən çoxu zibilliklərə atılır və 10% -dən az hissəsi təkrar emal olunur. Quoliang Liunun metodu nəzəri olaraq həmin 200 milyon tonu ağzına qədər gigiyenik sabunla dolu tankerlərə çevirə bilər. Bu, təkcə ekoloji yükü yüngülləşdirməyəcək, həm də üçüncü dünya ölkələrində epidemiyaları azaldacaq.Sintetik polietilenin molekullarını odla parçalasanız, lakin onlar tamamilə kiçik qaz molekullarına parçalanmadan əvvəl prosesi dayandırsanız, polietilenə bənzər qısa zəncirli molekullar əldə edə bilərsiniz. Qısa zəncirli polietilen isə mumun bir növüdür. Bu xammala sabunlaşma da daxil olmaqla daha bir neçə emal addımı əlavə edərək, elm adamları dünyanın ilk plastik sabununu əldə etdilər. Texnologiyanın polietilen üçün işlənib hazırlanmasına baxmayaraq, eyni üsul digər plastik növlərinin konvertasiyası üçün uygundur.
