«YouTube Shorts»-da tamamilə «TikTok»-dan köçürülən yeni funksiyalar var. Məsələn, istifadəçinin lentində canlı videoların önizləməsi. Qısa videoçarxların yaradılmasını asanlaşdıran xidmətin digər yenilikləri də ortaya çıxıb.
Ən diqqət çəkən xüsusiyyətlər arasında portret oriyentasiyasında tam ekranlı yayımlar var. Həmçinin, «YouTube»-da onları qısa müddətdə şaquli formata çevirmək üçün adi video redaktoru var ki, bura orijinal video üçün miqyaslama və kəsmə alətləri daxildir.
Başqa bir alət istənilən Shorts videosundan musiqi və effekti tez çıxarmağa imkan verəcək. Videoya baxarkən istifadəçi mahnının adını və videoda tətbiq olunan effekti sınamaq təklifini görəcək. Şirkət həmçinin Collab adlı TikTok Duet analoqunu təqdim edib: funksiya ekranın müxtəlif hissələrində birdən çox video yerləşdirmək üçün tərtibat təklif edir və yeni tərtib edilmiş video üçün adi video effektlərdən istifadə etməyə imkan verir.
Qeyd olunan funksiyalar artıq YouTube Shorts mobil proqramında mövcuddur.
