İlon Mask növbəti şirkəti – süni intellekt modelini yaradacaq xAI-ni təqdim edib. Yeni şirkətin saytında qeyd olunur ki, onun məqsədi “kainatın əsl mahiyyətini anlamaq”dır.
Hələ ki, sayt yalnız layihə komandası haqqında məlumat verir, həmçinin xAI-nin öz AI modelini yaratmaq üçün istifadə etdiyi maşın öyrənməsi və məlumatların təhlili üsullarını təqdim edir. Məlumdur ki, İlon Maskın özü yeganə direktor vəzifəsini tutaraq xAI-ya rəhbərlik edəcək, maliyyə direktoru Jared Birchall isə katib olacaq. Eyni zamanda, bu ilin martında Nevada ştatında qeydiyyatdan keçən yeni şirkət X Corp-dan müstəqil olacaq, lakin “X, Tesla və digər şirkətlərlə sıx əməkdaşlıq edəcək”.Mask iyulun 14-də “Twitter”-də onlayn konfrans zamanı daha ətraflı məlumat verəcəyini vəd etdi.
Həmçinin aprel ayında cənab Mask öz TruthGPT AI modelini inkişaf etdirmək niyyətində olduğunu açıqladı və mövcud modelləri yalan danışmağı öyrənməyə görə tənqid etdi.
