«Open AI»-in «ChatGPT» kimi generativ neyron şəbəkələrinin populyarlığının kəskin artması fonunda bir çox böyük İT şirkətlərinin bu yolla getməsi məntiqlidir. Belə şirkətlərdən birinin «Apple» olacağı ehtimal edilir,çünki «iPhone» istehsalçısı hazırda süni intellekt üzrə işçi qüvvəsini fəal şəkildə genişləndirir.
Hazırda «Apple»-ın ABŞ-dakı səhifəsində şirkətin süni intellekt və Maşın Öyrənmə bölmələri üzrə 176 açıq iş yeri elan edilib. Eyni zamanda, bu ay 43 yeni vakansiya yaranıb, 68 təklif Siri səsli köməkçisi, 52 vakansiya iOS və 46 vakansiya macOS ilə bağlıdır. İş təkliflərinin bəziləri müxtəlif sahələrdəki inkişaflarla əlaqədardır.
Əgər vakansiyaları “süni intellekt”in kombinasiyası üzrə çeşidləsəniz, o zaman 88 təklif olacaq.Axtarışa “generativ” sözünü əlavə etsəniz, təklif olunan vakansiyaların sayı 48 vahidə qədər azalacaq. Eyni zamanda, “generativ” sözünə bir neçə vakansiya adında rast gəlinir: multimodal generativ modelləşdirmə üzrə tədqiqat mühəndisi, vizual generativ modelləşdirmə üzrə tədqiqat mühəndisi, maşın öyrənmə mühəndisi – generativ AI, tətbiqi tədqiqatın tədqiqatçısı – generativ AI və s.
Bundan əvvəl Apple-ın yeni işçilərin işə qəbulu prosesini dondurduğu bildirilmişdi. Bununla belə, yeni vakansiyalar şirkətin hazırda ən aktual olan sahələrdə işləməkdən imtina etmək fikrində olmadığını göstərir. Bu ilin əvvəlində Apple generativ süni intellektə “şüurlu və düşünülmüş şəkildə” yanaşmaq niyyətini açıqlamışdı və bu həftə məlum oldu ki, şirkətin əməkdaşlarına məlumat sızmasının qarşısını almaq üçün iş yerində süni intellekt botlarından istifadə etmək qadağan edilib.
