Azərbaycan Respublikasının Kosmik Agentliyi (Azərkosmos) ilə ölkəmizdə kənd təsərrüfatı üzrə ən iri şirkət olan AGRO Dairy LLC arasında əməkdaşlıq müqaviləsi imzalanıb.Peyk təsvirlərinin kənd təsərrüfatı sahələrinin monitorinqində istifadəsinə dair bağlanan müqavilə “Caspian Agro” Azərbaycan Beynəlxalq Kənd Təsərrüfatı Sərgisi çərçivəsində imzalanıb.
Bu əməkdaşlıq sayəsində peyk təsvirlərindən istifadə etməklə ölkədə kənd təsərrüfatı ərazilərinin, əkinlərin inkişaf vəziyyətinin monitorinqi aparılacaq və əkin ərazilərinin elektron xəritəsinin hazırlanması layihələri həyata keçiriləcək.
Əməkdaşlıq çərçivəsində nəzərdə tutulmuş işlər üçün il ərzində müxtəlif aylarda dövri peyk təsvirləri, o cümlədən Azersky peykinin arxiv bazasında toplanmış təsvirlərdən də istifadə olunacaq.
