Yaponiyanın «Sega Sammy Holdings» şirkəti dünyanın ən məşhur mobil oyunlarından birinin-«Angry Birds»-in yardıcısı Finlandiyanın «Rovio Entertainment» şirkətini satın almaq üçün müqavilə imzalayıb. Müqavilənin şərtlərinə əsasən,»Sega» «Rovio» səhminə görə 9,25 avro və hər opsiona görə 1,48 avro ödəyəcək.Ümumi sövdələşmə isə 706 milyon avro təşkil edəcək.
Finlandiyalı tərtibatçının alınması qərarını şərh edən yapon oyun nəhəngi bunu qlobal oyun bazarında “öz mövqeyini gücləndirmək” zərurəti ilə izah edib.»Sega»-nın hesablamalarına görə, 2026-cı ilə qədər bu bazarın həcmi 263,3 milyard dollara, mobil oyunların payı isə 56%-ə qədər artacaq. Finlandiyalı «Rovio»-nun dünya üzrə təxminən 550 işçisi olan səkkiz oyun studiyası var.»Rovio» tərəfindən hazırlanmış oyunlar artıq 5 milyard dəfə yüklənib.
Onlardan biri-«Angry Birds»-dünyada 1 milyard dəfədən çox yüklənən ilk oyun oldu.Son illərdə, gəlir artımı sabit olsa da,»Rovio»-nun əməliyyat mənfəəti də davamlı olaraq azalır. Finlandiya şirkətinin bazar kapitallaşması 707 milyon dollar təşkil edir.Helsinki birjasında «Rovio»-nun səhmləri sövdələşmə ilə bağlı xəbərə təxminən 18% artımla reaksiya verib. Son bir ildə onların artımı 26%-i ötüb.
