Müxtəlif versiyalar üzrə smartfionların reytinqini hazırlayan “AnTuTu” mütəxəssiləri “iOS” cihazlarının yeni reytinqini dərc edib.Nəticələr 2022-ci il dekabrın 1-dən dekabrın 31-dək hesablanıb.18 oktyabr 2022-ci ildə buraxılmış iki “iPad Pro 6” modeli birinci və ikinci yerdə qalır. Onlar müvafiq olaraq altıncı və yeddinci yerləri tutan “iPhone 14 Pro” və “Pro Max”-dan təqribən 300 000 xal, üçüncü yerdə olan “iPad Pro 5″-dən isə demək olar ki,200 000 xal çox toplayırlar. Bu iki cihaz, şübhəsiz ki,”Apple” şirkətinin ən güclü qurğusudur.
Top liderlər M2 çipi ilə seçilir. Sələfi (M1 çipi) ilə müqayisədə CPU performansında 15% artım, qrafik performansında 35% artım, neyron şəbəkə mühərrikində 40% artım və yaddaş ötürmə qabiliyyətində 50% artım təklif edir.Qeyd edək ki,”iPad Pro 6″ (11 düym) və “iPad Pro 6” (12,9 düym) ekranları təkcə ölçülərinə görə fərqlənmir. Birinci halda,standart bir IPS-matris var, ikincidə – daha maraqlı seçim: mini-LED arxa işıqlı displey.
