İnsayder: Apple smartfonları iPhone 14 Plus-ın zəif satışı səbəbindən ucuzlaşacaq
“Apple” şirkəti satışa çıxarılan qurğuların zəif satışı səbəbindən smartfonlarının qiymət siyasətinə yenidən baxacaq. Bu barədə Naver bloqunda yeux1122 ləqəbi ilə tanınmış insayder məlumat verib.Mütəxəssisin sözlərinə görə, Apple iPhone 14 Plus-ın zəif satışını görüb və qərara alıb ki, seriyanın növbəti ucuz cihazı endirimli qiymətə təqdim olunacaq. Belə ki, əgər 14 Plus-ın qiyməti 899 dollar idisə, onun varisi iPhone 15 Plus-ın qiyməti 799 dollar olacaq. Beləliklə, cihaz böyük auditoriya üçün maraqlı ola bilər.
yeux1122 öz mesajında qeyd edib ki, İT nəhəngi smartfonların buraxılış modelinin qiymətlərini də aşağı sala bilər. Bu halda, iPhone 15-in qiyməti 799 dollar əvəzinə 699 dollar ola bilər.
İnsayder vurğulayıb ki, 2023-cü ildə “Apple” smartfonların iki kateqoriyasını – təqdimat modelləri və premium flaqmanları ayırmağa davam edəcək. Ehtimal ki, iPhone 15 Pro, 15 Pro Max və 15 Ultra olacaq top modellər ən güclü prosessor və qabaqcıl kameraya sahib olacaqlar.
Daha əvvəl Digital Trends jurnalistləri iPhone 14 Plus-ın baha qiymətə və rəqabətədavamlı modellərə görə satışda uğursuz olduğunu bildirmişdilər. Mütəxəssislər qeyd ediblər ki, qurğu kompromis smartfonların istehlakçıları üçün çox baha olub.
