İnnovasiya və Rəqəmsal İnkişaf Agentliyinin dəstəyi və SUP.VC şirkətinin təşkilatçılığı ilə bölgələrdə startap mentorlarının yetişdirilməsi istiqamətində həyata keçirilən səriştəlik proqramı yekunlaşıb.
Proqramın sonunda regionlardan Bakıya dəvət olunan mentorlar buradakı startap ekosistemiylə bağlı məlumatlandırılıb. Onlar İRİA nümayəndələri ilə görüşərək ekosistemin vəziyyəti və innovasiya mühiti ilə tanış olublar. Eyni zamanda görüşdə regionlarda bu sahədə mövcud problemlər, həll yolları və növbəti dövrlərdə həyata keçirilə biləcək potensial layihələr müzakirə olunub.
Qeyd edək ki, oktyabr-dekabr aylarında davam edən proqram çərçivəsində 5 müxtəlif şəhərdən — Şəki, Zaqatala, Gəncə, Mingəçevir və Lənkəran şəhərlərindən olan mentorlara oflayn və onlayn formatda təlimlər keçirilib.
