13 dekabr 2022-ci il tarixində PASHA Holding LLC-nin təşkilatçılığı, İnnovasiya və Rəqəmsal İnkişaf Agentliyi dəstəyi ilə İllik İnnovasiya Sammiti baş tutub.Ekosistemin aktiv oyunçularını, eləcə də texnologiya sahəsində fəaliyyət göstərən qlobal və prestijli şirkətləri, ekspertləri bir araya toplayan sammit ölkədə innovasiya ekosistemin qurulmasına dəstək göstərmək məqsədilə keçirilib.
“Bakı dünyaya səslənir!” şüarı ilə Azərbaycanda ikinci dəfə “PAŞA Holding” tərəfindən təşkil olunmuş sammit “Bakcell”, “PAŞA Bank”, “PAŞA Həyat”, “Kapital Bank”, “PAŞA Sığorta”, “Socar”, “PashaPay” və “Bravo” şirkətlərinin dəstəyi ilə həyata keçirilir.
Sammitdə çıxış edən rəqəmsal inkişaf və nəqliyyat naziri Rəşad Nəbiyev Azərbaycanda mövcud innovasiya ekosistemi, innovativ inkişafda özəl sektorla yanaşı, dövlətin rolu və bu istiqamətdə ölkəmizdə həyata keçirilən işlər haqqında danışıb.
Sammitdə eyni zamanda İnnovasiya və Rəqəmsal İnkişaf Agentliyinin rəhbəri İnarə Vəliyeva innovasiyaları dəstəkləyən və idarə edən ekosistemin qurulması üsulları mövzusunda baş tutan panel sessiyasında çıxış edib.
Bundan başqa sammitdə Liderlik üzrə tanınmış ekspert Robin Şarma, Qlobal innovasiya üzrə ekspert Kyan Qohar, FinTech sahəsi üzrə mütəxəssis Kris Skiner və digər məşhur məruzəçilər iştirak edib. Qonaq məruzəçilər liderlik mövzusu, innovasiyaların rəqabət üstünlüklərini necə təmin etməsi və gələcəyə hazır düşüncə tərzinin formalaşması ilə bağlı dəyərli fikirlərini bölüşüblər.
