Məşhur sosial şəbəkə olan Instagram xəbər lentindəki paylaşımların xronoliji ardıcıllıq prinsipini dəyişib. Belə ki, artıq tətbiqetmədə paylaşımlar xronoloji (yeni paylaşımlardan köhnə paylaşımlara) qaydada olmayacaq. Yəni tətbiqetməyə daxil olduğunuz zaman xəbər lentində hansısa səhifə tərəfindən paylaşılmış foto və ya videonun yerinə sizə maraqlı olan (kompüter alqoritmlərinin nöqteyi nəzərindən) foto və video əks olunacaq. Verilən məlumata əsasən sizə maraqlı ola biləcək paylaşımların xəbər lentində əks olunmaları bir neçə faktordan asılıdır. Məsələn paylaşımın müasirliyi, və yaxud sizin həmin paylaşımı etmiş müəllif ilə son zamankı əlaqələriniz və s. «Son aylarda biz gördük ki, bu üsul ilə insanlar sevdikləri mövzularda foto və videolara daha çox rastlaşırlar” – deyə qeyd olunub. Statistikaya əsasən paylaşımların xronoloji şəkildə əks olunduqları halda istifadəçilər onlara maraqlı ola biləcək paylaşımların 70%-ni itirirdilər. Alqoritmik prinsip daha effektiv nəticə göstərib. «Biz gördük ki, bu cür üsul ilə insanlar paylaşımları daha çox bəyənir, onlara rəy bildirir və böyük aktivlik göstərirlər. Paylaşımların yeni əks olunma prinsipi imkan verməyəcək ki, siz sevdiyiniz ifaçının konsertdən sonrakı paylaşımlarını itirəsiniz. Hətda konsert dünyanın digər nöqtəsində və saat qurşağında olsa belə. Həmçinin qorxulu deyil ki, siz çoxlu miqdarda insanı izləyirsiniz. Siz həmişə yaxın dostunuzun sonuncu paylaşımını görə biləcəksiniz” – deyə İnstagram rəsmiləri qeyd ediblər. Paylaşımların alqoritmik prinsip ilə əks olunmaları son ay ərzində Instagram-da baş vermiş ikinci böyük dəyişiklikdir. Keçən ay şirkət ilk dəfə olaraq tətbiqetmənin dizaynını tamamilə dəyişmişdi.
