İnnovasiya və Rəqəmsal İnkişaf Agentliyinin dəstəyi, SUP.VC şirkətinin təşkilatçılığı ilə Lənkəranda 50-ə yaxın gəncin iştirakı ilə gələcəyin innovativ peşələri mövzusunda panel müzakirəsi keçirilib. Çıxışçılar arasında yer alan İRİA-nın layihə koordinatoru Mirhuseynova Gulnar Lənkəran və qonşu regionların gənclərini maraqlandıran sualları cavablandırıb. İnteraktiv müzakirələrdə İKT üzrə əmək bazarında tələb yaranan sahələr, bu sahədə gənclərin iş imkanlarına çıxışı, süni intellekt, kibertəhlükəsizlik kimi sahələrdə mütəxəssis ehtiyacı məsələlərinə toxunulub, gənclərə gələcək karyera planları üzrə təklif və tövsiyyələr səsləndirilib.
