ABŞ-ın Federal Rabitə Komissiyası (FCC) ölkədə Huawei və ZTE-dən istənilən yeni telekommunikasiya cihazlarının, habelə üç Çin şirkətinin videomüşahidə sistemlərinin satışını qadağan etmək niyyətindədir. Bu məhdudiyyətlərin milli təhlükəsizliyin təmin edilməsi məqsədilə tətbiq ediləcəyi bildirilir. Bu barədə məlumatlı mənbələrə istinadən Axios resursu yazır.
Bu qadağa FCC-nin milli təhlükəsizlik zəminində elektron avadanlıqların satışını ilk dəfə qadağan edir. Agentlik bu addımı atmaqla hətta Donald Trampın ABŞ prezidenti olduğu günlərdə də Çin şirkətlərinə tətbiq olunmağa başlayan təzyiqləri artırır. Qadağa həm də təhlükəsizlik ekspertləri, analitiklər və kəşfiyyat agentliklərinin illərdir Çin telekommunikasiya avadanlıqlarının Çin səlahiyyətliləri tərəfindən casusluq üçün istifadə oluna biləcəyinə dair iddialarının kulminasiya nöqtəsidir.Mənbənin sözlərinə görə, FCC rəhbəri Jessika Rosenworcel bu ayın əvvəlində Huawei və ZTE telekommunikasiya avadanlığının qadağan edilməsi ilə bağlı sərəncam layihəsi təqdim edib. Tezliklə bu məsələ ilə bağlı səsvermə keçiriləcək və sənəd təsdiq olunarsa, adıçəkilən şirkətlərin avadanlıqlarının ABŞ-da satışı qadağan olunacaq.
Sənəddə həmçinin Çinin Hytera Communications Corporation, Hikvision və Dahua Technology Company şirkətlərinin ictimai təhlükəsizlik üçün videomüşahidə sistemlərinin satışına qadağa qoyulması nəzərdə tutulur. Eyni zamanda, qadağa yalnız yeni avadanlıqlara şamil ediləcək və Çin şirkətləri əvvəllər yerli tənzimləyicilər tərəfindən təsdiqlənmiş cihazları ABŞ-da satmağa davam edə biləcəklər.
