“Apple Watch Series 7” smart saatlarından biri istifadəçinin mənzilində partlayıb.Eyni zamanda, mediada yayılan məlumatlara görə,”Apple” hadisəni gizli saxlanılmasın istəsə də qurğu sahibi bunu ictimailəşdirib.”ICTinfo.az” “4Pda.ru” resursuna istinadən bildirir ki,”9to5mac” müxbirinə müsahibə verən qurğunun sahibi saatın istismar zamanı həddindən artıq qızmasını hiss etməyə başladığın söyləyib.Sonradan məlum oldu ki, saatın arxa qapağı çatlayıb və istifadəçinin evində temperatur 20 dərəcədən bir qədər çox olduğu halda watchOS-da həddindən artıq qızma səbəbindən saatı söndürmək barədə xəbərdarlıq göstərilib.
Bundan sonra istifadəçi dərhal “Apple” dəstəyinə zəng edib, orada bir neçə dəfə mütəxəssisdən mütəxəssisə yönləndirilib,bundan sonra şirkət meneceri əlavə araşdırma üçün qeydiyyata alıb.Şirkət onunla əlaqə saxlamazdan əvvəl saata toxunmamaq tövsiyəsi istisna olmaqla, istifadəçiyə heç bir həll yolu və ya məsləhət verilməyib.
Lakin tezliklə vəziyyət daha da pisləşib. Ertəsi gün səhər saat daha da qızıb,istilik ekranı məhv edib.İstifadəçi foto çəkmək üçün saatı götürən zaman qurğu dərhal uyğun olmayan səs çıxarmağa başlayıb və bundan sonra partlayıb. İstifadəçinin özü xəsarət almasa da, partlayış onun divanını zədələyib və qurğuşun zədəsi qorxusundan xəstəxanaya getməyə məcbur olub.
Bundan sonra istifadəçi yenidən “Apple” ilə əlaqə saxlayıb və hadisəyə “ən yüksək prioritet” verildiyi bildirilib. Bazar ertəsi şirkət saatın sahibi ilə əlaqə saxlamağa söz versə də, dünənə kimi “Apple”-dan heç bir xəbər olmayıb.Nəhayət, ona gizli sənəd göndərib, imzalamasını istəyiblər, bundan sonra zərərçəkmiş jurnalistlərə müraciət edib.
