“iPhone 14” smartfonlarının təqdim edilməsindən bəri internetdə yeni məhsulların imkanlarının göstərildiyi çoxsaylı hesabatlar ortaya çıxıb.Onlardan sonuncusu “iPhone 14” və “14 Pro Max”-ın enerji doldurma sürəti ilə bağlı məlumatları açıqlayıb.
Test nəticələri Çin mənbəyi “Chongdiantou” tərəfindən paylaşıldı: 30 Vt və daha yüksək gücə malik adapterlər “iPhone 14 Pro Max”-ı doldurmaq üçün uyğundur və 26,55 Vt-a qədər maksimum güc verir. 
“iPhone 14 Plus” və “iPhone 14 Pro” modelləri də eyni doldurma sürətinə malik olmalıdır, “iPhone 14” isə maksimum 25 Vt gücdə doldura bilər. Mənbənin sözlərinə görə, “Apple”-ın rəsmi 30 Vt güc adapteri yeni qadcetləri doldurmaq üçün ən yaxşısıdır.
Bu rəqəmlər “Android” cihazları ilə müqayisədə aşağı görünə bilər ki, bunu Çinli bloqerin əvvəllər keçirdiyi sınaqların nəticələri də təsdiqləyir.
